( कृपया हे ही पहावे :
http://www.maayboli.com/node/15825 )
जीवनाला ध्यास आहे
टाळणे मरणास आहे
(जीवनाला ध्यास आहे
गाठणे मरणास आहे
जीवनाचा ध्यास आहे
रोजचा सहवास आहे)
एकदा अपवाद व्हावे
वाटते नियमास आहे
पाखरे विसरून गेली
खंत ही घरट्यास आहे
एकदा माणूस झालो-
भोगला वनवास आहे
रौद्र ये भवसागराला
धाम पैलतिरास आहे
कोकिळा परतून ये रे,
तिष्ठला मधुमास आहे
लालबुंद टपोर गाली
लाजली तर खास आहे !
सैलशी भरगच्च वेणी-
काय सुंदर फास आहे…
20 05 2010 येथे 4:17 pm |
good!!
20 05 2010 येथे 11:09 pm |
Glad you liked it, thanks !