वाचून बघा

तसं आमचं फारसं जमत नाही
आमचं कशावरच एकमत नाही
तिच्या शिवाय मन रमत नाही,
मी नसता तिलाही करमत नाही !

आमचं शांततामय सहजीवन
टिकवायचा प्रयत्न करतो,
ती दूरवर दिसली तरी
मी चटकन उभा रहातो !

माझं तिच्याआधी येणं
तुम्हाला आवडेलसं नाही
तिचं माझ्यापूर्वी असणं
नेहेमीच घडेलसं नाही

मी नाहीच अन फक्त ती ?
एक दिवास्वप्न भोळं..
ती नसताना केवळ मी ?
आधी दिवाळी, मग दिवाळं !

रंगमंचावर मिरवायला मी
पडद्यामागून पुरवायला ती
घराघरात असतो आम्ही
माझं नाव खर्च,तिचं…प्राप्ति !

This entry was posted on 27 05 2008 at 9:06 pm and is filed under मराठी कविता. You can follow any responses to this entry through the RSS 2.0 feed. You can leave a response, or trackback from your own site.