तो आणि ती

ती तिच्या सख्यांची लाडकी
तोही आपल्या वर्तुळात लोकप्रिय

तो हळुवारशा कविता करतो,
मैफिली दोस्तांच्या गाजवतो.
तिचाही गळा म्हणे गोड आहे,
भावगीतांचं तिला वेड आहे.

तो आहे अभिजात रसिक,
मोठ्या मनाचा, विचारी…. अन बरंच काही
तिची विशेषणं – मनमिळाऊ, समजूतदार
शांत, करारी….. अन असंच काही
…….
तो वक्तशीर, व्यवस्थित
ती टापटिपीची, नियमित
कार्यालयं नेटकी त्यांची,
मात्र घडी विस्कटलीय प्रपंचाची..
……..
छान-छान सगळं घराबाहेर….
ते जिथे येतात एकत्र
त्या घरात मात्र, दिवस-रात्र
रुक्ष, गद्य नूर खेळाचा,
देता-घेता घरचे अहेर
हरवलाय सूर वाद्यमेळाचा
त्याचा झालाय कप तुटक्या कानाचा,
तिच्या संसाराच्या भांड्याला आलाय पोचा..
……..

आपापल्या भ्रमणकक्षेत, चारचौघांत
दोघे  फिरतात एकाच परिघांत
आणि ह्या एकेकाळच्या  अनुरुप दोघांत
एक इवलासा दुवा, कावराबावरा,  टकमक पहात..

त्याच्या बाजूने निघून जातात
वाटोळं झालेल्या घरच्या त्रिकोणात
दोन समांतर रेषा दोघांच्या ,
एकमेकांना त्या कधी भेटायच्या ?

Advertisements

9 प्रतिसाद to “तो आणि ती”

  1. Abhijit Bathe Says:

    बऱ्याच कविता वाचला. मराठीतल्या बऱ्याच आवडल्या.
    लिहीत रहा.
    मला स्वत:ला कवित करायला अजिबात येत नाहीत आणि त्यामुळे ज्यांना जमतात (कविता करणाऱ्या सगळ्यांनाच त्या जमतात आणि झेपतात असं नाही), त्यांचा हेवा वाटतो.

    एनीवे – कीप इट अप.

  2. वाचून बघा Says:

    अभिप्रायाबद्दल आभार !

    त्या निमित्ताने तुमच्या ब्लॉगची ओळख झाली. तुमचं ” आठवण आठवण – जय मल्हार ” वाचायला सुरुवात करतोय.

    भेटूच,

    सतीश वाघमारे

  3. mehhekk Says:

    khup chan,manachi honaro kondi tagmag doghancha abola,var varcha dikhawa anni chimuklya jivachi tagmag chan jamliye.

  4. वाचून बघा Says:

    तुमचे मनःपूर्वक आभार !

    सतीश वाघमारे

  5. shekhu Says:

    आणि ह्या एकेकाळच्या अनुरुप दोघांत
    एक इवलासा दुवा, कावराबावरा, टकमक पहात..

    Hya don lines khoopach kahi saangun gelya…

  6. vinayak Says:

    ti chaya badhal pan ka hi tari ADD kara ————-

  7. bhaanasa Says:

    कविता छान आहे. आजकालचे काहीसे सत्य.

  8. anonymous Says:

    khup chaan, today’s reality

प्रतिक्रिया व्यक्त करा

Fill in your details below or click an icon to log in:

WordPress.com Logo

You are commenting using your WordPress.com account. Log Out / बदला )

Twitter picture

You are commenting using your Twitter account. Log Out / बदला )

Facebook photo

You are commenting using your Facebook account. Log Out / बदला )

Google+ photo

You are commenting using your Google+ account. Log Out / बदला )

Connecting to %s


%d bloggers like this: